Thursday, April 28, 2011

Chikkan malliyila kari


വേണ്ട സാധനങ്ങള്‍ 
  1. ചിക്കന്‍ കഷ്ണങ്ങള്‍ ആക്കിയത്  -  ഒരു കിലോ 
  2. മുളക് പൊടി -  രണ്ട് ചെറിയ സ്പൂണ്‍ 
  3. മല്ലി പൊടി - ഒരു ചെറിയ സ്പൂണ്‍ 
  4. മഞ്ഞള്‍ പൊടി -  അര ചെറിയ സ്പൂണ്‍ 
  5. വെളുത്തുള്ളി -  നാല് അല്ലി 
  6. ഇഞ്ചി( നീളത്തിലരിഞ്ഞത് ) -  അര ചെറിയ സ്പൂണ്‍ 
  7. എണ്ണ -  കാല്‍ കപ്പ്‌
  8. സവാള ( വട്ടത്തിലരിഞ്ഞത് ) -  ഒരു കപ്പ്‌
  9. തൈര് -  ഒരു വലിയ സ്പൂണ്‍ 
  10. നാരങ്ങ നീര് -  ഒരു ചെറിയ സ്പൂണ്‍ 
  11. മല്ലിയില അരച്ചത്‌ -  രണ്ട് വലിയ സ്പൂണ്‍ 
തയ്യാറാക്കുന്ന രീതി 
                                 മുളകുപൊടി , മല്ലിപൊടി , മഞ്ഞള്‍ പൊടി , വെളുത്തുള്ളി , ഇഞ്ചി എന്നിവ മയത്തില്‍ അരച്ചെടുക്കുക. ഒരു പാന്നില്‍ എണ്ണ ഒഴിച്ച് ചൂടാകുമ്പോള്‍ സവാള വഴറ്റി കോരുക. ആ എണ്ണയില്‍ അരപ്പ് ചേര്‍ത്ത് ചെറുതീയില്‍ മൂപ്പിക്കുക. ഇതില്‍ കാല്‍ കപ്പ്‌ വെള്ളമൊഴിച്ച് ചേരുവ വെട്ടിത്തിളക്കുമ്പോള്‍ ഇറച്ചിയും, ഉപ്പും ചേര്‍ത്ത് ഇളക്കി ഒരു കുഴിവുള്ള അടപ്പ കൊണ്ട് അടച്ചു വേവിക്കുക. തൈര് , നാരങ്ങ നീര് , മല്ലിയില എന്നിവ ഒരുമിച്ചക്കി  , അതില്‍ വഴറ്റിയ സവാള ഇട്ടു ഇളക്കുക. ഇറച്ചി മുക്കാല്‍ വേവാകുമ്പോള്‍ ഈ ചേരുവ ചേര്‍ക്കുക.  ഇറച്ചി പാകത്തിന് വെന്തു ,ചാറ് ഒന്ന് വറ്റിച്ചു ചൂടോടെ ഉപയോഗിക്കുക. 

Friday, April 15, 2011

koottu payasam


വേണ്ട സാധനങ്ങള്‍ 
  1. നെയ്യില്‍ വറുത്ത ചെറുപയര്‍ - ഒരു കപ്പ്‌ ( വേവിച്ചത് ) 
  2. സേമിയ നെയ്യില്‍ വറുത്തു പൊടിച്ചത് - ഒരു കപ്പ്‌ 
  3. ശര്‍ക്കര  ഉരുക്കിയത് - ആവശ്യത്തിനു 
  4. തേങ്ങയുടെ ഒന്നാം പാല്‍  -  ഒരു കപ്പ്‌
  5. രണ്ടാം പാല്‍ -  രണ്ട് കപ്പ്‌
  6. മൂന്നാം പാല്‍ -  മൂന്ന് കപ്പ്‌
  7. അണ്ടിപ്പരിപ്പ്, മുന്തിരി - ആവശ്യത്തിനു 
  8. ഏലക്ക പൊടി - ഒരു ടീസ് സ്പൂണ്‍ 
  9. നെയ്യ് - രണ്ട് ടേബിള്‍ സ്പൂണ്‍ 

തയ്യാറാക്കുന്ന രീതി 
 ഒരു ഉരുളി അടുപ്പില്‍ വച്ച് ചൂടാക്കി  ഒരു ടേബിള്‍ സ്പൂണ്‍ നെയ്യൊഴിച്ച് വേവിച്ച ചെറു പയര്‍ ചെറുതായി വഴറ്റുക. ഇതിലേക്ക് ശര്‍ക്കര ഉരുക്കിയതും ചേര്‍ത്തും നന്നായി ഇളക്കുക. തേങ്ങയുടെ മൂന്നാം പാലില്‍ പൊടിച്ച സേമിയ കലക്കി വഴറ്റിയ  ചെറു പയര്‍ കൂട്ടിലേക്ക് ചേര്‍ക്കുക. ഇതു നന്നയി ഇളക്കി ഒന്ന് കുറുക്കിയെടുക്കുക. ഇതിലേക്ക് രണ്ടാം പാല്‍ ഒഴിച്ച് നന്നായി  തിളപ്പിക്കുക. നന്നായി തിളച്ചശേഷം ഒന്നാം പാല്‍ ചേര്‍ത്ത് വാങ്ങി ഏലക്ക പൊടിയും     ബാക്കിയുള്ള നെയ്യില്‍ വറുത്തെടുത്ത അണ്ടിപ്പരിപ്പ്, മുന്തിരി എന്നിവ ചേര്‍ത്ത് ചെറു ചൂടോടെ കഴിക്കാം .  

koottu payasam


വേണ്ട സാധനങ്ങള്‍ 
  1. ബസുമതി അരി(വേവിച്ചത് )   -  രണ്ട് കപ്പ്‌
  2. പാല്‍ -  രണ്ട് കപ്പ്‌
  3. വാനില - രണ്ട് തുള്ളി 
  4. വെണ്ണ -     ഗ്രാം 
  5. തേന്‍ -  മൂന്ന് ടേബിള്‍ സ്പൂണ്‍ 
  6. പഞ്ചസാര -  ആവശ്യത്തിനു 
  7. ആപ്പിള്‍ ( കഷ്ണങ്ങള്‍ ) -  അഞ്ചര കപ്പ്‌
  8. പട്ട ( പൊടിച്ചത് ) -  അര ടീസ് സ്പൂണ്‍ 
തയ്യാറാക്കുന്ന രീതി 
 ഒരു പാത്രം അടുപ്പില്‍ വച്ച് പാല്‍ തിളപ്പിക്കുക. തിളച്ചശേഷം വേവിച്ച അരി ഇട്ടു ചെറു തീയില്‍ ഇളക്കി കൊണ്ടിരിക്കുക. അതിനുശേഷം വാനില  , വെണ്ണ , തേന്‍ , പഞ്ചസാര , ആപ്പിള്‍ , പട്ട  എന്നെ ചേരുവകള്‍ ഓരോന്നായി ചേര്‍ത്ത് നല്ലവണ്ണം തിളപ്പിക്കുക. ഇതു ചൂടോടു ക്കൊടിയോ തണുപ്പിച്ചോ കഴിക്കാം . 

Saturday, April 9, 2011

Pineapple Halwa


വേണ്ട സാധങ്ങള്‍
  1. റവ       :  അര കിലോ
  2. പഞ്ചസാര : രണ്ടര കപ്പ്
  3. നെയ്യ്  : ഒരു ടേബിള്‍ 
  4. പൈനാപ്പിള്‍  : ഒരു കപ്പ്‌  ( ചെറുതായി അറിഞ്ഞത് )
  5. വെള്ളം  : രണ്ടര കപ്പ 
  6. അണ്ടിപ്പരിപ്പ്   : നാല് 
  7. കിസ്മസ്  : നാല് 
തയ്യാറാക്കുന്ന രീതി 

             ഒരു സ്റ്റീല്‍ ഉരുളിയില്‍ നെയ്യൊഴിച്ച് റവ ഇട്ടു   ബ്രൌണ്‍ നിറമാകുന്നതു വരെ വറുക്കുക. ഇതില്‍ പഞ്ചസാരയും, വെള്ളവും ചേര്‍ത്ത് നന്നായി ഇളക്കുക. തീ കുറച്ചു വെള്ളം വറ്റിച്ചെടുക്കുക. അണ്ടിപ്പരിപ്പ് , കിസ്മസ്,പൈനാപ്പിള്‍ എന്നിവ ചേര്‍ത്ത് നന്നായി യോജിപ്പിച്ച് ചൂടോടെ ഉപയോഗിക്കുക.