Showing posts with label V- Non Vegetarian. Show all posts
Showing posts with label V- Non Vegetarian. Show all posts
Friday, August 3, 2012
Thursday, April 28, 2011
Chikkan malliyila kari
വേണ്ട സാധനങ്ങള്‍
- ചിക്കന്‍ കഷ്ണങ്ങള്‍ ആക്കിയത് - ഒരു കിലോ
- മുളക് പൊടി - രണ്ട് ചെറിയ സ്പൂണ്‍
- മല്ലി പൊടി - ഒരു ചെറിയ സ്പൂണ്‍
- മഞ്ഞള്‍ പൊടി - അര ചെറിയ സ്പൂണ്‍
- വെളുത്തുള്ളി - നാല് അല്ലി
- ഇഞ്ചി( നീളത്തിലരിഞ്ഞത് ) - അര ചെറിയ സ്പൂണ്‍
- എണ്ണ - കാല്‍ കപ്പ്
- സവാള ( വട്ടത്തിലരിഞ്ഞത് ) - ഒരു കപ്പ്
- തൈര് - ഒരു വലിയ സ്പൂണ്‍
- നാരങ്ങ നീര് - ഒരു ചെറിയ സ്പൂണ്‍
- മല്ലിയില അരച്ചത്‌ - രണ്ട് വലിയ സ്പൂണ്‍
തയ്യാറാക്കുന്ന രീതി
മുളകുപൊടി , മല്ലിപൊടി , മഞ്ഞള്‍ പൊടി , വെളുത്തുള്ളി , ഇഞ്ചി എന്നിവ മയത്തില്‍ അരച്ചെടുക്കുക. ഒരു പാന്നില്‍ എണ്ണ ഒഴിച്ച് ചൂടാകുമ്പോള്‍ സവാള വഴറ്റി കോരുക. ആ എണ്ണയില്‍ അരപ്പ് ചേര്‍ത്ത് ചെറുതീയില്‍ മൂപ്പിക്കുക. ഇതില്‍ കാല്‍ കപ്പ് വെള്ളമൊഴിച്ച് ചേരുവ വെട്ടിത്തിളക്കുമ്പോള്‍ ഇറച്ചിയും, ഉപ്പും ചേര്‍ത്ത് ഇളക്കി ഒരു കുഴിവുള്ള അടപ്പ കൊണ്ട് അടച്ചു വേവിക്കുക. തൈര് , നാരങ്ങ നീര് , മല്ലിയില എന്നിവ ഒരുമിച്ചക്കി , അതില്‍ വഴറ്റിയ സവാള ഇട്ടു ഇളക്കുക. ഇറച്ചി മുക്കാല്‍ വേവാകുമ്പോള്‍ ഈ ചേരുവ ചേര്‍ക്കുക. ഇറച്ചി പാകത്തിന് വെന്തു ,ചാറ് ഒന്ന് വറ്റിച്ചു ചൂടോടെ ഉപയോഗിക്കുക.
Thursday, February 10, 2011
Fish moli
- കരിമീന്‍ വൃത്തിയാക്കി മുഴുവനെ വരിഞ്ഞത് - ഒരു കിലോ
- കുരുമുളക് ചതച്ചത് - രണ്ട് ചെറിയ സ്പൂണ്‍
- മഞ്ഞള്‍പൊടി - ഒരു ചെറിയ സ്പൂണ്‍
- മൈദാ - ഒരു വലിയ സ്പൂണ്‍
- വെളിച്ചെണ്ണ - കാല്‍ കപ്പ്
- സവാള നീളത്തിലരിഞ്ഞത് - ഒരു കപ്പ്
- ഇഞ്ചി നീളത്തിലരിഞ്ഞത് - രണ്ട് ചെറിയ സ്പൂണ്‍
- വെളുത്തുള്ളി - 12 അല്ലി
- പച്ചമുളക് അറ്റം പിളര്‍ന്നത് - പത്ത്
- കറിവേപ്പില - രണ്ട് തണ്ട്
- വെള്ളം - ഒന്നര കപ്പ്
- തേങ്ങാപ്പാല്‍ - രണ്ട് കപ്പ് തെങ്ങയുടെത്
- വിനാഗിരി - ഒരു വലിയ സ്പൂണ്‍
- ഉപ്പു - പാകത്തിന്
പാകം ചെയ്യുന്ന രീതി
ഒരു പാന്നില്‍ എണ്ണ ഒഴിച്ച് ചൂടാകുമ്പോള്‍ സവാള വഴറ്റി മൈദാ ചേര്‍ത്ത് മൂപ്പിക്കുക. ഇതില്‍ ഇഞ്ചി , വെളുത്തുള്ളി, പച്ചമുളക്, കുരുമുളക് ചതച്ചത്, കറിവേപ്പില എന്നിവ ചേര്‍ത്ത് വഴറ്റുക. ഇതില്‍ മീന്‍ കഷ്ണങ്ങളും ചേര്‍ത്ത് കൂടെ വെള്ളം, വിനാഗിരി, മഞ്ഞള്‍പൊടി, ഉപ്പു എന്നിവയും ചേര്‍ത്ത് പാത്രം മൂടി വച്ച് സാവധാനം വേവിക്കുക. ചേരുവ കഷ്ണങ്ങളില്‍ പിടിക്കുമ്പോള്‍ തേങ്ങാപ്പാല്‍ ഒഴിച്ച് പിരിഞ്ഞുപോകാതെ ചൂടാക്കി അടുപ്പില്‍ നിന്നും ഇറക്കുക.
Karimeen Pollichathu
കരിമീന്‍ പൊള്ളിച്ചത്
- കരിമീന്‍ വൃത്തിയാക്കി മുഴുവനെ വരിഞ്ഞത് - ഒരു കിലോ
- കുരുമുളകുപൊടി - ഒന്നര ചെറിയ സ്പൂണ്‍
- മഞ്ഞള്‍പൊടി - ഒരു ചെറിയ സ്പൂണ്‍
- വെളിച്ചെണ്ണ - മൂന്ന് വലിയ സ്പൂണ്‍
- ചുവനൂള്ളി - ഒരു കപ്പ് ( വട്ടത്തിലരിഞ്ഞത്)
- ഇഞ്ചി നീളത്തിലരിഞ്ഞത് - രണ്ട് ചെറിയ സ്പൂണ്‍
- വെളുത്തുള്ളി - 15 അല്ലി
- പച്ചമുളക് അറ്റം പിളര്‍ന്നത് - മൂന്ന്
- കറിവേപ്പില - രണ്ട് തണ്ട്
- കടുക് - ഒരു ചെറിയ സ്പൂണ്‍
- മല്ലിപൊടി - രണ്ട് ചെറിയ സ്പൂണ്‍
- മുളകുപൊടി - അര ചെറിയ സ്പൂണ്‍
- തേങ്ങാപ്പാല്‍ - ഒരു കപ്പ് തെങ്ങയുടെത്
- മീന്‍ പുളി - നാലെണ്ണം
- ഉപ്പു - പാകത്തിന്
പാകം ചെയ്യുന്ന രീതി
ഒരു സ്പൂണ്‍ കുരുമുളകുപൊടി, അര സ്പൂണ്‍ മഞ്ഞള്‍പൊടി ,പാകത്തിന് ഉപ്പു എന്നിവ അരച്ച് മീനില്‍ പുരട്ടി അതികം മൂത്ത് പോകാതെ വറുക്കുക. മല്ലിപൊടി, മുളകുപൊടി , അര ചെറിയ സ്പൂണ്‍ മഞ്ഞള്‍പൊടി, അര ചെറിയ സ്പൂണ്‍ കുരുമുളകുപൊടി എന്നിവ മയത്തില്‍ അരക്കുക. ഒരു പാന്നില്‍ രണ്ട് വലിയ സ്പൂണ്‍ വെളിച്ചെണ്ണ ഒഴിച്ച് ചൂടാകുമ്പോള്‍ ചുവനൂള്ളി, ഇഞ്ചി, വെളുത്തുള്ളി , പച്ചമുളക് കറിവേപ്പില എന്നിവ ഇട്ടു വഴറ്റി കോരുക. ഒരു ചീനിച്ചട്ടിയില്‍ ഒരു വലിയ സ്പൂണ്‍ എണ്ണ ഒഴിച്ച് കടുകിട്ട് പൊട്ടിയാലുടന്‍ അരപ്പ് വഴറ്റുക. വറുത്ത മീനും തേങ്ങാപ്പാലും, മീന്‍ പുളിയും, ഉപ്പും ചേര്‍ത്ത് പാത്രം മൂടി വച്ച് വേവിക്കുക. ചേരുവ വെട്ടിത്തിളക്കുമ്പോള്‍ മൂടി തുറന്നു ചാറ് വറ്റിക്കുക. വഴട്ടിക്കൊരി വച്ചിരിക്കുന്ന പച്ചമാസലകള്‍ ചേര്‍ത്ത് കഷ്ണങ്ങളില്‍ ചാറ് പൊതിഞ്ഞിരിക്കുന്ന സമയത്ത് അടുപ്പില്‍ നിന്നും ഇറക്കുക. വാട്ടിയ വാഴയിലയില്‍ ഓരോ മീനും പൊതിഞ്ഞു വാഴനാര് കൊണ്ട് കെട്ടി ചീനിച്ചട്ടിയില്‍ തിരിച്ചും മറിച്ചുമിട്ടു ചൂടോടെ ഉപയോഗിക്കുക.
Wednesday, December 29, 2010
Kashmiri chicken
- ചിക്കന്‍ - എട്ടു വലിയ കഷ്ണങ്ങള്‍
- കാശ്മീരി മുളകുപൊടി - നാല് വലിയ സ്പൂണ്‍
- ടുമാറ്റോ കെച്ചപ്പ് - നാല് വലിയ അപൂന്‍
- സോയ സോസ് - ഒരു വലിയ സ്പൂണ്‍
- വിനാഗിരി - ഒരു ചെറിയ സ്പൂണ്‍
- ഗരം മസാല പൊടി - ഒരു ചെറിയ സ്പൂണ്‍
- ഉപ്പു - പാകത്തിന്
- പഞ്ചസാര - ഒരു ചെറിയ സ്പൂണ്‍
- എണ്ണ - മൂന്ന് വലിയ സ്പൂണ്‍
- ഇഞ്ചി ചതച്ചത് - രണ്ട് കഷ്ണം
- വെളുതുല്ല് ചതച്ചത് - നാല് അല്ലി
- നാരങ്ങ നീര് - ഒരു വലിയ സ്പൂണ്‍
- മല്ലിയില അരിഞ്ഞത്‌ - ഒരു വലിയ സ്പൂണ്‍
ചെയ്യുന്ന രീതി
ചിക്കന്‍ നല്ലതുപോലെ കഴുകി വെള്ളം വരാന്‍ വയ്ക്കുക. മുളകുപൊടി,ടുമാറ്റോ കെച്ചപ്പ്, സോസ്, വിനാഗിരി, ഗരം മസാല, പഞ്ചസാര, ആവശ്യത്തിനു ഉപ്പു എന്നിവ കുഴച്ചു ഒരു പേസ്റ്റ് പരുവത്തിലാക്കുക. ഇ പേസ്റ്റ് ചിക്കന്‍ കഷ്ണങ്ങളില്‍ തേച്ചു പിടിപ്പിച്ചു ഒരു രണ്ട് മണിക്കൂര്‍ ഫ്രിഡ്ജില്‍ വയ്ക്കുക. രണ്ട് മണിക്കുരിനുശേഷം പുറത്തെടുത്തു തണുപ്പുമാരന്‍ വയ്ക്കുക. ഒരു പാനില്‍ എണ്ണ ചൂടാക്കി ഇഞ്ചിയുടെ പകുതിയും വെളുത്തുള്ളിയും ചേര്‍ത്ത് വഴറ്റുക. മസാല പുരട്ടി വച്ചിരിക്കുന്ന ചിക്കന്‍ കഷ്ണങ്ങള്‍ ചേര്‍ത്ത് രണ്ട് വശവും നന്നയി ഫ്രൈ ചെയ്തെടുക്കുക. പാന്‍ അടച്ചുവച്ചു രണ്ട് വശവും നല്ലതുപോലെ വേവിക്കുക. വെന്തശേഷം അടപ്പുമാറ്റി നാരങ്ങ നീരും, ബാക്കിയുള്ള പച്ച ഇഞ്ചിയും, മല്ലിയിലയും ചേര്‍ക്കുക. ഇതു ചോറിനൊപ്പം ഉപയോഗിക്കാം
Saturday, December 25, 2010
Chilly Chicken
- ചിക്കന്‍ ( എല്ലില്ലത്തത് ) - അര കിലോ
- എണ്ണ - പകത്തിന്
- സവാള ( ചെറിയ കഷ്ണങ്ങള്‍ ) - മൂന്ന്
- പച്ചമുളക്(ചെറുതായി അരിഞ്ഞത്‌ ) - ആറ്
- മുട്ട - ഒന്ന്
- കൊണ്ഫ്ലാവ്ര്‍ - മൂന്ന് വലിയ സ്പൂണ്‍
- മൈദാ - അഞ്ചു വലിയ സ്പൂണ്‍
- ഉപ്പു - പാകത്തിന്
- ചില്ലി സോസ് - രണ്ട് വലിയ സ്പൂണ്‍
- ചില്ലി റെഡ് ഫുഡ് കളര്‍ - ഒരു നുള്ള്
ചെയ്യുന്ന രീതി
മുട്ട ,മൈദാ ,കൊണ്ഫ്ലാവ്ര്‍ ,ഫുഡ് കളര്‍ എന്നിവ യോജിപ്പിക്ക.വളരെ കുറച്ചു വെള്ളം ചേര്‍ത്ത് അധികം കട്ടിയില്ലാതെ മാവ് തയ്യാറാക്കുക. വൃത്തിയാക്കിയ ചിക്കന്‍ ചെറിയ കഷ്ണങ്ങളാക്കി മാവില്‍ ഇട്ടു ഇളക്കി പത്ത് മിനിട്ട് ഫ്രിഡ്ജില്‍ വയ്ക്കുക. ഒരു ഫ്രൈ പാനില്‍ എണ്ണ ചൂടാക്കി തയ്യാറാക്കിയ ചിക്കന്‍ വറുത്തു കോരുക. ഒരു തവയില്‍ എണ്ണ ഒഴിച്ച് ചൂടാകുമ്പോള്‍ സവാള ഇട്ടു വഴറ്റുക. സവാള ബ്രൌണ്‍ നിറ മാകുമ്പോള്‍ പച്ചമുളക്,ചില്ലി സോസ്, ഉപ്പു എന്നിവ ചേര്‍ത്ത് അഞ്ചു മിനിട്ട് വഴറ്റുക. നല്ലതുപോലെ വഴണ്ട് വരുമ്പോള്‍ വറുത്ത ചിക്കന്‍ ചേര്‍ത്ത് നന്നായി ഇളക്കുക. ഗ്രേവി കഷ്ണങ്ങളില്‍ പൊതിഞ്ഞു നന്നയി വരണ്ടു വരുമ്പോള്‍ അടുപ്പില്‍ നിന്നും ഇറക്കി ചൂടോടെ ഉപയോഗിക്കുക.
Chicken upperi
- ചിക്കന്‍ - അര കിലോ
- മഞ്ഞള്‍ പൊടി - ഒരു നുള്ള്
- തേങ്ങ - ഒന്ന്
- വറ്റല്‍ മുളക് - നാല്
- കുരുമുളകുപൊടി - അര ചെറിയ സ്പൂണ്‍
- എണ്ണ - പാകത്തിന്
- കറിവേപ്പില - രണ്ട് തണ്ട്
- ഇഞ്ചി ( അരിഞ്ഞത്‌ ) - ഒരു ചെറിയ കഷ്ണം
- ഗരം മസാല - അര ചെറിയ സ്പൂണ്‍
- ഉളുവപോടി - അര ചെറിയ സ്പൂണ്‍
- ജീരക പൊടി - ഒരു നുള്ള്
- ഉപ്പു - പാകത്തിന്
ചെയ്യുന്ന രീതി
ചിക്കന്‍ വൃത്തിയാക്കി , കഷ്ണങ്ങള്‍ ആക്കിയതിനുശേഷം ഉപ്പു, മഞ്ഞള്‍പൊടി എന്നിവ ചേര്‍ത്ത് വേവിക്കുക. വെന്ത ഇറച്ചി എല്ല് മാറ്റി പിച്ചിക്കീറി വയ്ക്കുക. തേങ്ങ ചിരകിയതും, വറ്റല്‍ മുളകും, കുരുമുളകുപൊടിയും ചേര്‍ത്ത് ചെറുതായി ചൂടാക്കിയ ശേഷം ഒന്ന് ചതച്ചെടുക്കുക.(അരഞ്ഞു പോകരുത് ) എണ്ണ ചൂടാക്കി കടുക് പൊട്ടിച്ചശേഷം തെങ്ങക്കൂട്ടും കറിവേപ്പില, ഇഞ്ചി, ഗരം മസാല, മല്ലിപൊടി, ഉലുവപൊടി, ജീരകപോടി എന്നിവ ചേര്‍ത്ത് വഴറ്റുക. വഴണ്ട് വരുമ്പോള്‍ ചിക്കനും കൂടി ചേര്‍ത്ത് ചെറുതീയില്‍ നന്നായി ഇളക്കി വഴറ്റി എടുക്കുക.
Chettinadu mutton curry
- മട്ടന്‍ - അര കിലോ
- ചുവനൂള്ളി - ഒരു കപ്പ്
- പിരിയന്‍ മുളക് - പത്ത്
- പച്ചമുളക് - മൂന്ന്
- ഇഞ്ചി - 100 ഗ്രാം
- വെളുത്തുള്ളി - 100 ഗ്രാം
- മഞ്ഞള്‍ പൊടി - കാല്‍ സ്പൂണ്‍
- മല്ലിപൊടി - മൂന്ന് ചെറിയ സ്പൂണ്‍
- ഗരം മസാല - രണ്ട് ചെറിയ സ്പൂണ്‍
- മല്ലിയില - രണ്ട് സ്പൂണ്‍
- കറിവേപ്പില - രണ്ട് തണ്ട്
- നല്ലെണ്ണ - 250 ഗ്രാം
ചെയ്യുന്ന രീതി
ഒരു പാനില്‍ നല്ലെണ്ണ ഒഴിച്ച് ചൂടാകുമ്പോള്‍ ചുവന്നൂള്ളി ,പിരിയന്‍ മുളക്, പച്ചമുളക്, ഇഞ്ചി, വെളുത്തുള്ളി എന്നിവ അരിഞ്ഞത്‌ ചേര്‍ത്ത് വഴറ്റുക. ഇതിലേക്ക് കൊത്തി അരിഞ്ഞ മട്ടനും, പാകത്തിന് ഉപ്പും ചേര്‍ത്ത് വീണ്ടും വഴറ്റുക. പതിഞ്ചു മിനിട്ടിനുശേഷം മഞ്ഞള്‍ പൊടി, മല്ലിപൊടി, ഗരം മസാല എന്നിവ ചേര്‍ത്തിളക്കി പാകത്തിന് വെള്ളവും ഒഴിച്ച് അടച്ചു വച്ച് വേവിക്കുക. വെള്ളം വട്ടിയശേഷം മല്ലിയില,കറിവേപ്പില എന്നിവ ചേര്‍ത്ത് അടുപ്പില്‍ നിന്നും ഇറക്കുക.
Mutton varattiyathu
- മട്ടന്‍ - അര കിലോ
- ഉപ്പു - പാകത്തിന്
- മഞ്ഞള്‍ പൊടി - കാല്‍ സ്പൂണ്‍
- ഇഞ്ചി ( അരിഞ്ഞത്‌ ) - ഒരു സ്പൂണ്‍
- കുരുമുളക് - രണ്ട് വലിയ sസ്പൂണ്‍
- മല്ലിപൊടി - ഒരു വലിയ സ്പൂണ്‍
- വെളിച്ചെണ്ണ - മൂന്ന് സ്പൂണ്‍
- തേങ്ങ നുറുക്കിയത് - രണ്ട് വലിയ സ്പൂണ്‍
- കറിവേപ്പില - രണ്ട് തണ്ട്
ചെയ്യുന്ന രീതി
മട്ടന്‍ നല്ലതുപോലെ കഴുകി ചെറിയ കഷ്ണങ്ങളാക്കി നുറുക്കുക. ഇതില്‍ ഉപ്പു, മഞ്ഞള്‍ പൊടി,ഇഞ്ചി എന്നിവ ചേര്‍ത്ത് മണ്‍ ചട്ടിയില്‍ വേവിക്കുക. കുരുമുളകും, മല്ലിപൊടിയും വെളിച്ചെണ്ണയില്‍ വഴറ്റി നന്നായി അരചെടുത്തു ഇറച്ചിയില്‍ ചേര്‍ത്ത് നന്നായി വരട്ടുക. തേങ്ങ നുറുക്കിയതും , കറിവേപ്പിലയും വറുത്തു ചേര്‍ത്ത് നന്നായി ഇളക്കുക. ഇറച്ചി നല്ലതുപോലെ വെന്തു വരണ്ടു കഴിയുമ്പോള്‍ അടുപ്പില്‍ നിന്നും ഇറക്കുക.
Friday, December 24, 2010
Chemeen stuffed paratha
- ചെമ്മീന്‍ - ഒരു കപ്പ്
- മുളകുപൊടി - ഒരു ചെറിയ സ്പൂണ്‍
- മഞ്ഞള്‍ പൊടി - കാല്‍ ചെറിയ സ്പൂണ്‍
- ഉപ്പു - പാകത്തിന്
- എണ്ണ - പാകത്തിന്
- ജീരകം - ഒരു നുള്ള്
- സവാള ( ചെറുതായി അരിഞ്ഞത്‌ ) - ഒന്ന്
- പച്ചമുളക്(ചെറുതായി അരിഞ്ഞത്‌ ) - ഒന്ന്
- വെളുത്തുള്ളി ( ചെറുതായി അറഞ്ഞത് ) - അഞ്ച് അല്ലി
- മല്ലിപൊടി - മുക്കാല്‍ വലിയ സ്പൂണ്‍
- മുളകുപൊടി - അര ചെറിയ സ്പൂണ്‍
- മഞ്ഞള്‍ പൊടി - കാല്‍ ചെറിയ സ്പൂണ്‍
- മല്ലിയില അരിഞ്ഞത്‌ - കാല്‍ കപ്പ്
- കസുരി മെതി - ഒരു വലിയ സ്പൂണ്‍
- ഗോതമ്പുപൊടി - ഒരു കപ്പ്
ചെയ്യുന്ന രീതി
ചെമീന്‍ കഴുകി വൃത്തിയാക്കി മുളകുപൊടി, മഞ്ഞള്‍പൊടി, ഉപ്പു( രണ്ട് മുതല്‍ - നാല് വരെ ) എന്നിവ ചേര്‍ത്ത് വേവിക്കുക. ഒരു പാനില്‍ എണ്ണ ചൂടാക്കി ജീരകം പോട്ടിക്കിക. ഇതിലേക്ക് സവാള, പച്ചമുളക്, വെളുത്തുള്ളി എന്നിവ ഇട്ടു വഴറ്റുക. സവാള ബ്രൌണ്‍ നിറമാകുമ്പോള്‍ മല്ലിപൊടി, മുളകുപൊടി, മഞ്ഞള്‍പൊടി എന്നിവ ചേര്‍ത്ത ഇളക്കിയ ശേഷം വേവിച്ചു വച്ചിരിക്കുന്ന ചെമീനും ചേര്‍ക്കുക. ഇതിലേക്ക് മല്ലിയിലയും, കസ്തുരി മേത്തയും ചേര്‍ത്ത് നന്നായി ഇളക്കി വാങ്ങി വയ്ക്കുക. ഗോതമ്പുപൊടി ചപ്പാതിക്കെന്ന പോലെ കുഴക്കുക . ചെറിയ ഉരുളകളാക്കി, ഓരോ ഉരുളയിലും മസാല നിറച്ച വീണ്ടും ഉരുട്ടിയശേഷം പരത്തുക. തവയില്‍ എണ്ണ തടവി, ചപ്പാത്തി ചുട്ടെടുക്കുക .
Fish kabab
- മീന്‍ - 250 ഗ്രാം
- ഉപ്പു - പാകത്തിന്
- കുരുമുളകുപൊടി - കാല്‍ ചെറിയ സ്പൂണ്‍
- കടലപ്പരിപ്പ് - കാല്‍ കപ്പ്
- സവാള (പൊടിയായി അരിഞ്ഞത്‌) - രണ്ട് വലിയ സ്പൂണ്‍
- പച്ചമുളക്(ചെറുതായി അരിഞ്ഞത്‌ ) - ഒന്ന്
- ഇഞ്ചി-വെളുത്തുള്ളി അരച്ചത്‌ - അര ചെറിയ സ്പൂണ്‍
- മുട്ട - ഒന്ന്
- മല്ലിയില ( ചെറുതായി അരിഞ്ഞത്‌ ) - ഒരു സ്പൂണ്‍
- മുളകുപൊടി - അര ചെറിയ സ്പൂണ്‍
- കുരുമുളകുപൊടി - അര ചെറിയ സ്പൂണ്‍
- ഗരം മസാല - കാല്‍ ചെറിയ സ്പൂണ്‍
- നാരങ്ങ നീര് - ഒരു ചെറിയ സ്പൂണ്‍
- എണ്ണ - വറുക്കാന്‍ ആവശ്യത്തിനു
ചെയ്യുന്ന രീതി
മീന്‍ വൃത്തിയാക്കി ഉപ്പും കുരുമുളകുപൊടിയും ചേര്‍ത്ത് വേവിച്ചശേഷം മുള്ളും തൊലിയും കളഞ്ഞു പൊടിക്കുക. കടലപ്പരിപ്പ് വേവിച്ചതില്‍ മീനും, സവാള, പച്ചമുളക്, ഇഞ്ചി-വെളുത്തുള്ളി, മുട്ട, മല്ലിയില, മുളകുപൊടി, കുരുമുളകുപൊടി,ഗരം മസാല, ഉപ്പു, നാരങ്ങ നീര് എന്നിവ ചേര്‍ത്ത് നന്നായി കുഴച്ചു , അല്പല്‍പ്പം കയ്യിലെടുത്തു ഉരുട്ടി എണ്ണയില്‍ വറുത്തു കോരുക. ടുമാറ്റോ സോസിന്റെ കൂടെ വിളമ്പുക.
Pachakurumulaku meen fry
- മത്തി (ചാള) - 250 ഗ്രാം
- പച്ചക്കുരുമുളക്‌ - കാല്‍ കപ്പ്
- വെളുത്തുള്ളി - മൂന്ന് അല്ലി
- ഇഞ്ചി - ഒരു കഷ്ണം
- കറിവേപ്പില - രണ്ട് തണ്ട്
- നാരങ്ങ നീര് - ഒരു വലിയ സ്പൂണ്‍
- പേരും ജീരകം - ഒരു കാല്‍ ചെറിയ സ്പൂണ്‍
- ഉലുവ - കാല്‍ ചെറിയ സ്പൂണ്‍
- മഞ്ഞള്‍പൊടി - കാല്‍ ചെറിയ സ്പൂണ്‍
- ഉപ്പു - പാകത്തിന്
- എണ്ണ - പാകത്തിന്
ചെയ്യുന്ന രീതി
മീന്‍ വൃത്തിയാക്കി വരയുക. പച്ചക്കുരുമുളക്‌,വെളുത്തുള്ളി, ഇഞ്ചി, കറിവേപ്പില, നാരങ്ങ നീര്, പേരും ജീരകം, ഉലുവ, മഞ്ഞള്‍പൊടി, ഉപ്പു എന്നിവ മയത്തില്‍ അരച്ച് മീനില്‍ പുരട്ടി അര മണിക്കൂര്‍ വയ്ക്കുക. എണ്ണ ചൂടാക്കി മസാല പുരട്ടി വച്ചിരിക്കുന്ന മീന്‍ വറുത്തെടുക്കുക.
Chemeen fry
- ചെമീന്‍ - അര കിലോ
- മുളകുപൊടി - രണ്ട് വലിയ സ്പൂണ്‍
- മഞ്ഞള്‍പൊടി - ഒരു ചെറിയ സ്പൂണ്‍
- കുരുമുളകുപൊടി - ഒരു ചെറിയ സ്പൂണ്‍
- അരിപൊടി - ഒരു വലിയ സ്പൂണ്‍
- ഉപ്പു - പാകത്തിന്
- തൈര് - ഒരു വലിയ സ്പൂണ്‍
- സവാള ( കനം കുറച്ചു അരിഞ്ഞത്‌ ) - അഞ്ച്
- കറിവേപ്പില - രണ്ട് തണ്ട്
- വെളിച്ചെണ്ണ - ആവശ്യത്തിനു
ചെയ്യുന്ന രീതി
ചെമീന്‍ തോട് നീക്കി നന്നായി കഴുകി വെള്ള വാര്‍ന്നു പോകാന്‍ വയ്ക്കുക. മുളകുപൊടി,മഞ്ഞള്‍പൊടി, കുരുമുളകുപൊടി, അരിപൊടി, ഉപ്പു,തൈര് എന്നിവ ഒരു ചെറിയ പാത്രത്തിലെടുത്തു നന്നായി കുഴക്കുക. ഇ മിശ്രിതം ചെമീനില്‍ പുരട്ടി ഒരു മണിക്കൂര്‍ ഫ്രിഡ്ജില്‍ വയ്ക്കുക. ചീനിച്ചട്ടിയില്‍ എണ്ണ ഒഴിച്ച് ചൂടാകുമ്പോള്‍ സവാളയും കറിവേപ്പിലയും ചെമീനും ചേര്‍ത്ത് വഴറ്റുക. ചെമീനും സവാളയും നന്നായി മൊരിഞ്ഞു ബ്രൌണ്‍ നിറമാകുമ്പോള്‍ വാങ്ങി ഉപയോഗിക്കുക.
Nadan Tharavu curry
- താറാവിറച്ചി - ഒരു കിലോ
- മല്ലിപൊടി - രണ്ട് വലിയ സ്പൂണ്‍
- മുളകുപൊടി - രണ്ട് ചെറിയ സ്പൂണ്‍
- മഞ്ഞള്‍പൊടി - കാല്‍ ചെറിയ സ്പൂണ്‍
- കുരുമുളകുപൊടി - കാല്‍ ചെറിയ സ്പൂണ്‍
- കറുവാപട്ട - ഒരു കഷ്ണം ഒരിഞ്ചു നീളത്തില്‍
- ഗ്രാമ്പു - ആറ്
- ഏലക്ക - നാല്
- വെളിച്ചെണ്ണ - കാല്‍ കപ്പ്
- സവാള - അര കപ്പ്( കനം കുറച്ചു നീളത്തിലരിഞ്ഞത് )
- ഇഞ്ചി - രണ്ട് ചെറിയ സ്പൂണ്‍ ( കനം കുറച്ചു നീളത്തിലരിഞ്ഞത് )
- ചെറിയ വെളുത്തുള്ളി - പതിനെട്ടു അല്ലി
- പച്ചമുളക് - ആറെണ്ണം( അറ്റം പിളര്‍ന്നത് )
- വിന്നാഗിരി - രണ്ട് വലിയ സ്പൂണ്‍
- ഉപ്പു - പാകത്തിന്
- തേങ്ങാപ്പാല്‍ - ഒരു കപ്പ് (ഒന്നാം പാല്‍)
- തേങ്ങാപ്പാല്‍ - മൂന്ന് കപ്പ് ( രണ്ടാം പാല്‍ )
- ഉരുളക്കിഴങ്ങ്( ഇടത്തരം ,നലുകശ്നങ്ങലാക്കിയത് - നാല് എണ്ണം
- വെളിച്ചെണ്ണ - ഒരു വലിയ സ്പൂണ്‍
- നെയ്യ് - ഒരു ചെറിയ സ്പൂണ്‍
- കടുക് - ഒരു ചെറിയ സ്പൂണ്‍
- ചുവനുള്ളി (വട്ടത്തിലരിഞ്ഞത്) - രണ്ട് വലിയ സ്പൂണ്‍
- കറിവേപ്പില - രണ്ട് തണ്ട്
തയ്യാറാകുന്ന രീതി
താറാവിറച്ചി കഴുകി വലിയ കഷ്ണങ്ങളാക്കി മുറിക്കുക. മല്ലിപൊടി, മുളകുപൊടി, മഞ്ഞള്‍പൊടി, കുരുമുളകുപൊടി, കറുവപ്പട്ട, ഗ്രാമ്പു, ഏലക്ക എന്നിവ മയത്തില്‍ അരച്ചെടുക്കുക. എണ്ണ ചൂടാകുമ്പോള്‍ ഏതാക്രമം സവാള , ഇഞ്ചി, വെളുത്തുള്ളി, പച്ചമുളക് ഇവ ഇട്ടു വഴറ്റുക. അതിനുശേഷം മസാല അരച്ചതും ചേര്‍ത്തിളക്കുക. ഒന്ന് വഴണ്ട് വരുമ്പോള്‍ ഇതില്‍ ഇറച്ചി, വിന്നാഗിരി,ഉപ്പു,രണ്ടാം തേങ്ങാപ്പാല്‍ എന്നിവ ചേര്‍ത്തിളക്കി ഒരു കുഴിവുള്ള തട്ടം കൊണ്ട് മൂടി വേവിക്കുക. കുഴിവുള്ള തട്ടത്തില്‍ വെള്ളം ഒഴിക്കുക(ഇറച്ചി സാവധാനം വേവുവാന്‍ വേണ്ടിയാണിത്) . ഇറച്ചി മുക്കാല്‍ വേവാകുമ്പോള്‍ ഉരുളക്കിഴങ്ങ് ചേര്‍ക്കുക. ഉരുളക്കിഴങ്ങ് വെന്താലുടന്‍ ഒന്നാം പാല്‍ ചേര്‍ത്ത് ചൂടാകുമ്പോള്‍ അടുപ്പില്‍ നിന്നും വാങ്ങുക. എണ്ണയും, നെയ്യും ചൂടാക്കി കടുകിട്ട് പൊട്ടിച്ചു ചുവന്നുള്ളി,കറിവേപ്പില ഇവയിട്ടു മൂപ്പിച്ചു കറിയില്‍ ഒഴിക്കുക.
Tuesday, December 21, 2010
Tomato fish
- മീന്‍ - അര കിലോ
- മീന്‍ മസാല - രണ്ട് വലിയ സ്പൂണ്‍
- ഉപ്പു - പാകത്തിന്
- എണ്ണ - ആവശ്യത്തിനു
- തക്കാളി - നാല്
- സവാള - രണ്ട്
- വെളുത്തുള്ളി - ആറു അല്ലി
- നാരങ്ങ നീര് - ഒരു നരങ്ങയുടെത്
- പഞ്ചസാര - ഒരു നുള്ള്
- മല്ലിയില ചെറുതായി അരിഞ്ഞത്‌ - കാല്‍ കപ്പ്
പാകം ചെയ്യുന്ന രീതി
മീന്‍ വൃത്തിയാക്കി ചെറിയ കഷ്ണങ്ങളാക്കിയ ശേഷം ഒരു വലിയ സ്പൂണ്‍ മീന്‍ മസാലയും ആവശ്യത്തിനു ഉപ്പും ചേര്‍ത്ത് പുരട്ടി അര മണിക്കൂര്‍ വയ്ക്കുക. അര മണിക്കുരിനുശേഷം ചൂടായ എണ്ണയില്‍ അധികം മൂത്ത് പോകാതെ വറുത്തു കോരുക. തക്കാളി, സവാള, വെളുത്തുള്ളി എന്നിവ മിക്ഷിയില് ഇട്ടു അരച്ചെടുക്കുക. ഒരു ഫ്രൈ പാനില്‍ എണ്ണ ചൂടകി അരപ്പ് വഴറ്റിയശേഷം ബാക്കി മീന്‍ മസാലയും ചേര്‍ത്ത് വഴറ്റുക. വറുത്തു വച്ചിരിക്കുന്ന മീന്‍ പാനിലെക്കിട്ടു മാസലകൊണ്ട് നന്നായി പൊതിഞ്ഞു ചെറുതീയില്‍ അടച്ചു വേവിക്കുക.തീ അണച്ച ശേഷം നാരങ്ങ നീരും ,പഞ്ചസാരയും, മല്ലിയിലയും ചേര്‍ത്തിളക്കി ചൂടോടെ ഉപയോഗിക്കുക.
Friday, December 17, 2010
Beef Ularthiyathu
- ബീഫ് ചെറിയ കഷണങ്ങളാക്കി അരിഞ്ഞത്‌(ബീഫ് ക്യൂബ്സ്‌) - 900 ഗ്രാം
- സവാള - നാല് എണ്ണം ( അരിഞ്ഞത്‌ )
- പച്ചമുളക്( നെടുകെ കീറിയത് ) - മൂന്ന് എണ്ണം
- കറിവേപ്പില - രണ്ട് തണ്ട്
- ഇഞ്ചി - പത്ത് ഗ്രാം (നീളത്തിലരിഞ്ഞത് )
- തക്കാളി - 150 ഗ്രാം
- തേങ്ങ - അര മുറി ( കഷ്ണങ്ങളായി അരിഞ്ഞത്‌ )
- മുളകുപൊടി - രണ്ട് ടേബിള്‍ സ്പൂണ്‍
- മല്ലിപൊടി - ഒരു ടേബിള്‍ സ്പൂണ്‍
- മഞ്ഞള്‍പൊടി - ഒരു ടീസ് സ്പൂണ്‍
- ഗരം മസാല - ഒരു ടീസ് സ്പൂണ്‍
- എണ്ണ - പതിനഞ്ചു മില്ലി
- ഉപ്പു - പാകത്തിന്
തയ്യാറാക്കുന്ന രീതി
ബീഫ് നല്ലതുപോലെ കഴുകി ഒരു സ്പൂണ്‍ മുളകുപൊടി,അര ടീസ് സ്പൂണ്‍ മഞ്ഞള്‍പൊടി, ഉപ്പു എന്നിവ ചേര്‍ത്ത് കുഴച്ചു ഒരു കുക്കറില്‍ വച്ച് വേവിക്കുക.ബീഫ് വെന്ത ശേഷം പത്രത്തിലെ വെള്ളം വാര്‍ക്കുക . ഒരു പാനില്‍ എണ്ണ ഒഴിച്ച് അരിഞ്ഞ സവാള,പച്ചമുളക്,ഇഞ്ചി, വെളുത്തുള്ളി ,കറിവേപ്പില എന്നിവ ഇട്ടു ബ്രൌണ്‍ നിറമാകുന്നതുവരെ വഴറ്റുക. ഇതില്‍ ബാക്കിയുള്ള പൊടികള്‍ ഇട്ടു വഴറ്റി തക്കാളി കൂടി ചേര്‍ത്ത് വഴറ്റുക. വെന്ത ബീഫും,അരിഞ്ഞ തേങ്ങയും ഇതില്‍ ഇട്ടു ഒരു അഞ്ചു മിനിട്ട് വേവിക്കുക. പാകത്തിന് ഉപ്പു ചേര്‍ത്ത് ഡ്രൈ പരുവത്തില്‍ അടുപ്പില്‍ നിന്നിറക്കി ചൂടോടുകൂടി ഉപയോഗിക്കുക .
Beef fry
- ബീഫ് - അര കിലോ
- വലിയ ഉള്ളി - മൂന്ന് എണ്ണം
- തക്കാളി - രണ്ട എണ്ണം
- വെളുത്തുള്ളി - അഞ്ചു അല്ലി
- ഇഞ്ചി - ഒരു ചെറിയ കഷ്ണം
- തേങ്ങ - ചെറുതായി അരിഞ്ഞത്‌ - ഒരു ഇരുപത് കഷ്ണം
- മുളകുപൊടി - രണ്ട് ടേബിള്‍ സ്പൂണ്‍
- മല്ലി പൊടി - മൂന്ന് ടേബിള്‍ സ്പൂണ്‍
- മഞ്ഞള്‍ പൊടി - ഒരു ടീസ് സ്പൂണ്‍
- ഗരം മസാലപൊടി - ഒരു ടീസ് സ്പൂണ്‍
- കറിവേപ്പില - രണ്ട് തണ്ട്
- ഉപ്പു - ആവശ്യത്തിനു
- വെളിച്ചെണ്ണ - രണ്ട് ടേബിള്‍ സ്പൂണ്‍
തയ്യാറാക്കുന്ന രീതി
ബീഫ് കഴുകി ചെറിയ പീസ്‌ ആയി കട്ട്‌ ചെയ്തു വയ്ക്കുക. ഇതില്‍ ഒരു ടേബിള്‍ സ്പൂണ്‍ മുളകുപൊടി,ഒരു ടേബിള്‍ സ്പൂണ്‍ മല്ലിപൊടി,അര ടീസ് സ്പൂണ്‍ മഞ്ഞള്‍പൊടി ,ഉപ്പു എന്നിവ ഇട്ടു ന്നായി കുഴച്ചു ഒരു കുക്കറില്‍ വേവിക്കുക. ഉള്ളിയും തക്കാളിയും ചെറിയ കഷ്ണങ്ങളായി അരിയുക. ചുവടു കട്ടിയുള്ള ഒരു പത്രത്തില്‍ എണ്ണ ഒഴിച്ച് ഇഞ്ചി-വെളുത്തുള്ളി-പകുതി സവാളയും ഇട്ടു വഴറ്റുക.നല്ല ബ്രൌണ്‍ നിറമാകുന്നതുവരെ വഴറ്റുക. ഇതിനുശേഷം തീ കുറച്ചു ഒരു ടേബിള്‍ സ്പൂണ്‍ മല്ലിപൊടി,അര ടീസ് സ്പൂണ്‍ മഞ്ഞള്‍പൊടി എന്നിവ ഇട്ടു നല്ലതുപോലെ വഴറ്റുക. തക്കാളി ഇട്ടു ചെറു തീയില്‍ വഴറ്റുക. വെന്തുകഴിയുമ്പോള്‍ വേവിച്ചുവച്ചിരിക്കുന്ന ഇറച്ചി (കുറച്ചു വെള്ളം മാത്രമോഴിക്കുക) ഇട്ടു ഇളക്കുക. ഇതിലേക്ക് അരിഞ്ഞു വച്ചിരിക്കുന തേങ്ങ ഇട്ടു ഒരു അടപ്പുകൊണ്ട് അടച്ചു അഞ്ചു മിനിട്ട് വേവിക്കുക. അതിനുശേഷം ബാക്കിയുള്ള മല്ലിപൊടി,ഉള്ളി,ഗരം മസാലപൊടി എന്നിവ ഇട്ടു ഇളക്കി ഒരു അഞ്ചു മിനിട്ട് കൂടെ വേവിക്കുക.അവസാനം കറിവേപ്പില ഇട്ടു ഉപ്പു നോക്കി അടുപ്പില്‍ നിന്നും ഇറക്കുക.
Subscribe to:
Posts (Atom)